Në Dobresh të Vitisë: Dyshohet për kontrabandim me migrantë

Në fshatin Dobresh të Vitisë , njësia policore ka lokalizuar një veturë ku në të cilën kishin qenë shtatë persona. 

Gjatë legjitimimit është identifikuar vozitësi i dyshuari mashkull kosovar si dhe gjashtë persona tjerë të cilët nuk kishin dokumente me vete, por të njëjtit sipas deklarimit të tyre janë shtetas të Bangladeshit.

Sipas deklarimit të dyshuarit (vozitësit), personat e huaj janë sjellë në Kosovë nga Maqedonia e Veriut përmes rrugëve ilegale.

Pas intervistimit i dyshuari është liruar, ndërsa personat me shtetësi të huaj janë trajtuar nga njësitë përkatëse të cilëve u është lëshuar edhe vërtetimi i akomodimit të tyre në përputhje me ligjin. /2LONLINE/