Në Ditën e Dëshmorëve të Kombit,  bëhen homazhe në varrezat e dëshmorëve

Kryesuesja e Kuvendit Komunal të Gjilanit, Krenare Latifi Kqiku ka bërë me dije se sot, në Ditën e Dëshmorëve të Kombit, bashkë me përfaqësuesit e shoqatave të familjeve të Dëshmorëve, Invalidëve dhe Veteranëve, dega Gjilan, bënë homazhe në varrezat e dëshmorëve!

“Përulemi me respektin më të madh për të kujtuar dhe nderuar bijtë më të mirë të kombit tonë: Shaban Ukshini (Komandant Terri), Sami Ukshini (Kingji), Bardhyl Osmani (Komandant Delta) dhe Kastriot Arifi (Petriti), të cilët ranë heroikisht në Rahovicë për lirinë dhe bashkimin kombëtar”, ka thënë Krenare Latifi Kqiku.

Nderim dhe respekt për të gjithë ata që dhanë jetën për liri, u shpreh tutje ajo.

“Lavdi e përjetshme dëshmorëve të kombit. Nderim dhe respekt për të gjithë ata që dhanë jetën për liri. Qoftë i përjetshëm kujtimi për ta”, ka thënë ajo.  /2LONLINE/