Në Bruksel u mbajtën takime për zbatimin e marrëveshjeve

Zëvendeskryeministrja e Kosovës, Edita Tahiri së bashku me një delegacion qëndruan në Bruksel më 4 dhe 5 nëntor, ku morën pjesë në takimet trepalëshe të ndërmjetësuara nga BE për çështjet e energjisë.

Për çështjet e energjisë u diskutuan obligimet zbatuese dhe afatet e palëve që rrjedhin nga plani për zbatimin e marrëveshjes për energjinë. Po ashtu, u formuan grupet punuese që kanë për detyrë që duke respektuar afatet e përcaktuara të çojnë përpara zbatimin e plotë të kësaj marrëveshje.

Gjithashtu është mbajtur një takim për çështjen e sigurimeve të automjeteve në fuksion të tarifave për lëvizjën e lirë të qytetarëve dhe, së shpejti pritet të mbahet edhe një takim tjetër për të avancuar këtë proces.

Në këtë takim krahas ndërmjetëseve të BE-së mori pjesë edhe Këshilli i Byrove Evropiane, i përfaqësur nga sekretarja e përgjithshme, Greet Flore, njofton Zyra për informim e kryeministrisë.