Ministri serb i ngarkuar për Kosovën Aleksandar Vulin thotë se shumë shpejt do të themelohet Asociacioni i komunave serbe dhe ekipi drejtues të cilin e ka pranuar Brukseli po punon në hartimin e statusit. Ai, siç njofton B92, ka thënë se “Prishtina praktikisht është përpjekur të pengojë formimin disa komunave tona”, por, ka shtuar, në këtë nuk do të ketë sukses.
“Marrëveshja është arritur, shumë shpejt do të bëhet konstituimi i komunave atje ku nuk ka, prefektët janë zgjedhur, shumica lokale ekziston dhe ato do të marrin vendimin kur do të fillojë së funksionari Asociacioni… “, ka thënë Vulin.
“Sa na përket ne (Beogradit, vërejtje e Koha. net) Asociacioni mund t’ia fillojë punës nesër.
Vulin kështu ka thënë para studentëve në Kopaonik dhe atyre u ka sugjeruar se “për Kosovën ia vlen të luftohet” dhe i ka ftuar ata ta vizitojnë Kosovën.
“Është vështir të mendohet izraeliti i cili kurrë nuk ka qenë në Jerusalem, e pse është vështirë të mendohet serbi nga Beogradi i cili kurrë nuk ka qenë në Kosovë? Duhet të jemi atje dhe sa më shumë të jemi atje dhe sa më shumë ketë ndikim tonin atje, aq më shumë do të ketë shtet serb atje “, ka thënë ai.
Ai i ka falënderuar serbët e Kosovës për datën e negociatave që Serbia ka marrë për anëtarësim në BE./koha/
