Në Akademinë e Mbrojtjes përfundoi “Stërvitja ushtarake Bazë për Oficer”
Në Shkollën e Oficerëve në kuadër të Akademisë së Mbrojtjes, përfundoi “Stërvitja Ushtarake Bazë për Oficer”, për të rekrutuarit me kualifikime të veçanta specialistike në fushën e mjekësisë, të cilët bën betimin duke u zotuar për përmbushjen me përgjegjësi dhe përkushtim të detyrave në shërbim të Forcës së Sigurisë së Kosovës.
Me përfshirjen e këtyre kuadrove të kualifikuara në radhët e saj, FSK-ja fuqizon më tej kapacitetet e saj profesionale, veçanërisht në fushën e shërbimit shëndetësor. Përgatitja profesionale e tyre dhe përvoja në fushën e mjekësisë do të kontribuojnë drejtpërdrejt në rritjen e gatishmërisë së Forcës për përmbushjen e misionit të saj.
Me betimin për shërbim, oficerët e rinj u rreshtuan në radhët e FSK-së, të gatshëm për të marrë përgjegjësitë e detyrës dhe për t’i shërbyer me përkushtim Forcës dhe vendit. /2LONLINE/