Ndryshimin e bëjmë ne
Alban SHABANI
/2L ONLINE/ – Ne si shoqëri vazhdojmë ta kemi te ngrire ne mendje se politika zhvillohet ekskluzivisht nga partitë dhe te gjitha problemet te cilat i hasim ne janë probleme po te gjitha qe zgjidhen nga shtetit. Kjo ide vjen si rezultat i konceptit te shtetit si një shtyllë e forte si diçka qe është mbi të gjithë. Është një koncept qe ne kulturën tonë është instaluar si rezultat i sistemit politik komunist e diktatorial. Partitë politike dhe pluralizmi partiak është shtylla e demokracisë, mirëpo sistemi partiak i fuqishëm e koncepti qytetar se gjithçka çka është politike i takon partisë është koncept i cili nuk kontribuon ne konsolidimin e shoqërisë demokratike.
Ne kohen tonë flitet për një zbulim të rij të politikes, ajo e cila ka te bej me konceptim se politika nuk kuptohet vetëm ajo politik qe zhvillohet nga institucionet publike shtetërore, mirëpo ekziston një fushë e cila ne politiken moderne është faktor kyç ne politikbërje dhe avancimin e konsolidimit demokratik e shoqëror. Ajo është politik e cila zhvillohet nga grupet e interesit, shoqatave dhe pjesëtareve tjerë te cilët e realizojnë një politik private dhe i shtyn proceset deri në vendimmarrje.
Nuk duhet kuptuar qe pluralizmi politik është i vetmi argument i konsolidimit shoqëror, është fakt se një shoqëri e fragmentuar e ndarë ka potencial te madhe që te ketë një mori partish te cilat pa te drejt hyn ne oborrin e politikave te shoqërisë civile. Duke e ditur faktin se partitë politik synim kanë pushtetin dhe ndjekin një ideologji ato rrëshqasin ne sferën e përfaqësimit te një pjese te caktuar te individëve e jo përfaqësim te shoqërisë civile. Shoqëria civile është kujdestari e cila e shtron rrugën e operimit te partive politike.
Një shoqëri e mirëfilltë ka potencial te organizimit te krijimit te konsensusit dhe rritjes te solidariteti me qellim te formulimit te politikave te cilat ndikojnë në probleme te caktuar. Aftësi e fuqisë se konsensusit dhe rritjes te solidariteti tregon për kulturën e një shoqërie civile e cila me rolin e saj karshi qeveris dhe institucioneve publike kujdeset qe politikat shtetërore te jene ne harmoni me kërkesat e shoqërisë civile. Tani ne këto momente kur ne Kosovë kemi sistem politike demokratik me një minimum te demokracisë, një shoqëri e cila është e kapur nga partitë, na duhet një organizim qytetar te bashkuar ne grupe te interesit ne shoqata e lobe të ndryshme me qellim te realizmit te politikave për interesa tona, gjithmonë duke e respektuar kushtetutën dhe ligjet e shtetit. Organizimi i protestave e rreshtimi kundër qeveris e politikave qeveritare nuk është antishtetërore përkundrazi është element qe e fuqizon shtetin.
Mos të harrojmë se bota intelektuale, mediat, e pjesëtar tjerë janë përgjegjës për rregullimin operativ te shoqëri civile. Nuk ka shtet demokratik pa një shoqëri te fort civile. Gjendja nuk ndryshohet nga kjo kasta e politikes, gjendjen e ndryshojmë ne si shoqëri, nëse arrimi ti kanalizojmë veprimet. /2L ONLINE/