Shkruan: Sami ARIFI
Çudi, Serbia s’ka asnjë të drejtë historike e etike te shtetet fqinje ku ka pakicat e saja, madje ato pakica kanë të drejta më shumë se shumica që e përbëjnë atë shtet, mirëpo ata dëgjojnë shtetin e Serbisë për destabilizim të gjendjes në shtetin që jetojnë.
Ata janë me qëndrime të përbashkëta të udhëheqjes serbe pozitë dhe opozitë brenda shtetit të tyre, madje qeveria e tyre i dirigjojnë serbët që të veprojnë me qëndrimet e tyre edhe jashtë Serbisë si në Bosnje e Hercegovinë në Mal të Zi, Maqedoni madje edhe në Kosovë edhe se popullata e tyre në tërë vendin tonë është 3,83%, këtë gjë s’munden ta bënin vetëm në Kroaci sepse zgjimi homogjen i kroatëve për çështje nacionale me të gjithë faktorët relavant ishte në nivelin e duhur…
E kundërta po ndodhë me udhëheqësit tonë në Republikën e Kosovës nëpër kohë, shiten e blihen për pesë para, kurrë s’ishin bashkë për çështje nacionale, madje edhe tani kur atdheu ka nevojë më shumë se kurrë. Një numër i opozitarëve, mediumeve dhe analistëve sot në Kosovë, qoftë edhe për çështje nacionale ju interesojnë përfitimet e paligjshme duke mos kursyer propagandën kundër vendit të tyre, vetëm e vetëm për të ardhur në pushtet, madje duke e tkurrur shtetin me territor 15% të pjesës veriore të Kosovës.
Për çështjen e sovranit si komb në të gjitha trojet shqiptare është e pakoordinuar edhe udhëheqja e Shqipërisë me shtetin e Kosovës.
Edhe Maqedonia ku mbi 35% janë shqiptarë nuk janë fare të koordinuar për çështje nacionale, ata s’janë të koordinuar së pari në mes vete, as me Shqipërinë e as me Kosovën. Një pakoordinim i tillë është edhe në Mal të Zi e në Luginën e Preshevës…
Pa një fuqizim në pushtet për të bërë shtet, pa një zgjim kombëtar të homogjenizuar në mbarë truallin shqiptar vështirë se liria e plotë ka për të ardhë… /2LONLINE/
