Ndihmohen me pako ushqimore dhe miell 300 familje të komunës së Gjilanit

Këshilli i Bashkësisë Islame dhe Sh.H. Bereqeti, dega në Gjilan, sot në prag të muajit të shenjtë të Ramazanit, kanë shpërndarë 300 pako ushqimore dhe 300 thasë miell për 300 familje të komunës së Gjilanit.

Kjo ndihmë erdhi falë bashkëpunimit të B.I.K-së dhe Drejtorisë së Bereqetit në Prishtinë me shtetin e Arabisë Saudite.

Përfitues nga këto ndihma ishin familjet me jetimë, familjet me asistencë sociale, shoqata e veteranëve, familjet e dëshmorëve, shoqata e të verbërve.

Këshilli i Bashkësisë Islame në Gjilan dhe SH.H Bereqeti – dega në Gjilan i falënderon donatorët nga Arabia Saudite dhe drejtorin e Qendrës së Bereqetit në Prishtinë z. Behxhet Ajvazin.

Donatorët janë falënderuar edhe nga kryetari i K.B.I së në Gjilan Naim ef Aliu dhe Koordinatori Iljaz ef Mustafa.  /2LONLINE/