Ndihmohen me pako ushqimore 100 familje nga Zhegra

(2L ONLINE) – Organizata humanitare ndërkombëtare Islamic Relief me seli në Kosovë në kuadër të shpërndarjes së pakove ushqimore në muajin e Ramazanit nëpër tërë Kosovën, ka bërë shpërndarjen e 100 pakove ushqimore për familjet nevojtare në Zhegër të Gjilanit. Pakot ushqimore kryesisht kanë përfshirë gjërat elementare ushqimore si: vaj, sheqer, krip, qaj, makaron, oriz, etj.

Zyrtarët e kësaj organizate Blerim Gashi dhe Albulena Gashi thanë se që nga viti 1999 e deri më tani në kuadër të shumë projekteve të realizuara në Kosovë për familjet skamnore e nevojtare është edhe projekti i shpërndarjes së pakove ushqimore për familjet nevojtare dhe duke parë numrin e madh të familjeve në nevojë tek ne, ata dhane mundësinë që edhe në të ardhmen të ndihmohet edhe regjioni i Gjilanit.

Shpërndarjen e këtyre pakove Islamic Relief Kosova e ka bërë nëpërmjet Organizatës Jo Qeveritare: Asociacioni për Mirëqenien e të Miturve të Kosovës. Udhëheqësi i kësaj organizatë Sami Hajrullahu tha për Portalin 2L ONLINE se është mjaft i kënaqur dhe falënderues për ndihmën e dhënë nga Islamic Relief Kosova dhe shpreson se edhe në të ardhmen kjo organizatë do të ofroj ndihmë për familjet në nevojë ne regjionin e Anamoravës i cili regjion ka mbetur i lënë anash në këtë drejtim. /2L ONLINE/