Ndeshjet e javës së pestë në Superligë zhvillohen në mesjavë, orari dhe përballjet

Federata e Futbollit të Kosovës ka publikuar edhe orarin e kësaj jave, ku ndeshjet do të zhvillohen të mërkurën dhe të enjten. Ndeshjet fillojnë nga ora 16:00.

Llapi do të jetë nikoqire e Dritës të mërkurën, ndërsa po këtë ditë do të zhvillohet edhe dueli i dy skuadrave nga kreu i tabelës, Gjilanit dhe Ballkanit në stadiumin e qytetit në Gjilan.

Interesant pritet të jetë edhe në Mitrovicë ku Trepça ’89 mirëpret Prishtinën, kurse kampioni në fuqi Feronikeli luan të enjten para tifozëve të vet përballë Flamurtarit.