Ndeshja e parë e finales në volejboll i takoi Dritës, shënoi fitore 3:2 në sete

Ndeshja e parë e finales në volejboll në Raiffeisen Superligën A për meshkuj, i takoi KV Dritës, e cila shënoi fitore ndaj KV Ferizaj, 2:3 në sete, takim ky që u zhvillua në palestrën Sportive “Bill Clinton” në Ferizaj.

Ishte kjo një përballje dramatike, plotë adrenalinë që zgjati pesë sete, e ku ekipi gjilanas ishte më i mirë se ekipi ferizajas, duke regjistruar fitore në ndeshjen e parë të serisë finale, pra duke marrë epërsinë 1:0, në garën për titull.

Ferizaj 2:3 Drita
Setet: 22:25, 13:25, 25:18, 25:23, 10:15

Kështu, KV Drita bëri një hap të madh drejt titullit kampion. Siç dihet, kampion i Kosovës në volejboll do të shpallet klubi që arrin tri fitore në serinë finale të Play-Off-it.

Përndryshe, drejtuesit e KV Drita thanë se ishte një paraqitje e shkëlqyeshme e djelmoshave bardhë e kaltër të cilët dhanë gjithçka nga vetja duke arritur triumfin në fund.

“Për tu shpallur kampion nevojiten të realizohen tri fitore në total dhe ndeshjen e dytë të serisë finale e luajmë në vikend në Kamenicë”, njofton KV Drita.  /2LONLINE/