Ndërron jetë një 53-vjeçar nga Komuna e Prizrenit, i prekur me Covid-19

Klinika Infektive përmes një njoftimi ka bërë me dije se sot në orët e pasdites, në Mjekimin Intensiv të kësaj klinike ka përfunduar me vdekje pacienti K. Q. (1967) nga Komuna e Prizrenit.

Pacienti ishte hospitalizuar në Klinikën Infektive të QKUK-së në Prishtinë më 13.04.2020 dhe që nga fillimi ka qenë në gjendje shumë të rënde dhe në përkujdesje intensive.

Tek i sëmuri, gjate ecurisë së sëmundjes janë zhvilluar ndërlikime si pasojë e Covid -19, të cilat edhe përkundër të trajtimit intensiv, pamundësuan që pacienti t’i mbijetoi sëmundjes.

Kjo është vdekja e katërmbëdhjetë nga Covid-19 në Klinikën Infektive të QKUK-së dhe e 19-ta në nivel shteti, thuhet në njoftim.