Ndërroi jetë profesori i matematikës Artan Bunjaku

Profesori i matematikës në Gjimnazin Shoqëror “Zenel Hajdini”, Artan Bunjaku, ka ndërruar jetë këtë të shtunë.

Lajmi është bërë i ditur nga familjarë të të ndjerit, kurse familjarë, kolegë dhe të gjithë ata që e kanë njohur Artanin janë ndierë të tronditur.

Kjo është dhembja e dyfishtë që e ka goditur familjen e Artanit, ngase pak ditë më parë atij i kishte vdekur edhe nëna, veterane e arsimit.

Artani ishte djali i gazetarit të njohur gjilanas, Hasan Bunjaku.

Artani ishte shembull i mësimdhënësit të dijshëm dhe të përkushtuar jo vetëm në lëndën e matematikës, po edhe në lëmenjtë tjerë, ishte një intelektual shembullor.

Artani ka shkëlqyer edhe si moderator e redaktor në Radio Megavox dhe Radio-Rinia, ku ka ideuar dhe drejtuar emisione edukative dhe argëtuese pas luftës e këndej.