Ndërprerje e furnizimit me ujë për konsumatorët që furnizohen nga FPU Velekincë

Njoftim nga Hidromorava: Ndërprerje e furnizimit me ujë për konsumatorët që furnizohen nga FPU Velekincë

Kompania Rajonale e Ujësjellësit “Hidromorava” ka njoftuar se sot (20 qershor) do të ketë ndërprerje të përkohshme të furnizimit me ujë për të gjithë konsumatorët që furnizohen nga Fabrika për Përpunimin e Ujit (FPU) në Velekincë.

Sipas njoftimit të kompanisë, ndërprerja do të zgjasë nga ora 10:00 deri në orën 17:00 dhe vjen si pasojë e ndërprerjes së energjisë elektrike nga KEDS në objektin e FPU-së.

“Për shkak të ndërprerjes së energjisë elektrike nga KEDS në FPU Velekincë, do të ndërpritet procesi i trajtimit dhe furnizimit me ujë gjatë intervalit kohor 10:00–17:00”, thuhet në njoftimin e KRU “Hidromorava”.

Kompania u ka bërë thirrje konsumatorëve që të sigurojnë paraprakisht sasinë e nevojshme të ujit për nevojat e tyre gjatë kohës së ndërprerjes.

“Hidromorava” falënderon qytetarët për mirëkuptim dhe bashkëpunim.  /2LONLINE/