Nderohet me mirënjohje nga Qendrën e Transfuzionit të Gjakut

“Ditën e nisa në Qendrën e Transfuzionit të Gjakut, ku u nderova me mirënjohje për promovim dhe organizim të dhurimit vullnetar të gjakut”, ka thënë Alban Hyseni, kryetar i Komunës së Gjilanit.

Ai tha se aty u prit nga stafi i jashtëzakonshëm shëndetësor, që janë heronj të heshtur të qytetit dhe të cilëve iu detyrohemi mirënjohje të përhershme.

“Dhurimi i gjakut është akt i solidaritetit të lartë, andaj, kjo mirënjohje i përket çdo qytetari që tregon humanizëm duke dhuruar jetë për të tjerët”, ka thënë Alban Hyseni.  /2LONLINE/