Ndër temat kryesore në takime ishin ato të zhvillimit të FSK-së
Ministri i Minsitrispë për Forcën e Sigurisë të Kosovës (MFSK), z. Haki Demolli ka raportuar sot, para Komisionit Parlamentar për Punë të Brendshme, Siguri dhe Mbikëqyrje të FSK-së, për punën dhe të arriturat e FSK-së, e në veçanti për vizitën zyrtare që pati së bashku me komandantin e FSK-së, generallejtënant Rrahman Ramën në Shtetet e Bashkuara të Amerikës (SHBA).
Në mbledhjen e sotme të Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës, të drejtuar nga Fadil Demaku, zëvendëskryetar, ministri i Ministrisë së Forcës së Sigurisë së Kosovës Haki Demolli, paraqiti raportin e vizitës zyrtare në Shtetet e Bashkuara të Amerikës.
Ministri Demolli fillimisht i njoftoi deputet e Komisionit Parlamentar për Mbikëqyrje të FSK-së, për takimet e delegacionit të FSK-së, në Shtetet e Bashkuara të Amerikës, si në Pentagon, në Vashington, në shtetin e Ajovës së SHBA-ve,etj, Patëm takime zyrtare me personalite të larta shtetërore dhe ushtarake të SHBA-ve. Takime zhvilluam edhe me shefin e Gardës Kombëtare të Shteteve të Bashkuara të Amerikës gjeneralin Frank Grass, me gjenerallejtënant Keneth Mekenzi Shef i J-5 (Drejtor për Politika dhe Planifikimet Strategjike) të Komandës së Bashkuar të Ushtrisë së SHBA-ve, me Guvernatorin e shtetit Aiova, Terry Branstad, komandantin e Gardës Kombëtare të Aiovës, gjeneral Timothy Orr etj.
Minsitri Demolli vlerësoi se një nga takimet kryesore ishte ai me shefin e Gardës Kombëtare të shteteve të Bashkuara të Amerikës, gjeneralin Frank Grass.
Ai në këtë takim e kishte njoftuar gjeneralin Grass mbi mbarëvajtjen e procesit të transformimit të Forcës së Sigurisë së Kosovës, për hapat, përgatitjet që janë bërë si dhe për planet për zhvillimin e saj. Gjithashtu, Demolli informoi edhe për takimet e tij me shefin e Gardës Kombëtare të Aiovës, si dhe me gjeneralin, Timothy Orr.
Ndër temat kryesore në takime ishin ato të zhvillimit të FSK-së.
Demolli, ndërkaq, e njoftoi komisionin për vizionet kryesorë te Ministrisë së FSK-së si, promovimin e stabilitetit në shtet dhe regjion, si dhe gatishmërinë e shtetit të Kosovës të punojë me të gjitha ministritë në regjion.
Në vijim ai i njoftoi edhe për ftesën që i ishte bërë FSK-së nga NATO për pjesëmarrjen në ushtrime të 20 kadetëve, si dhe për trajnimet e organizuara nga NATO për shtetet joanëtare.
Demolli theksoi edhe partneritetin e suksesshëm me Garden Nacionale të Aioves, dhe ndihmën e ndarë për vitin 2016 prej rreth 5 milion dollarë nga SHBA-të për Ministrinë e FSK-së.
Si suksesë të lartë, Demolli vlerësoi pranimin e dy kadetëve për shkollim në West Point.
Ndërkaq, e informoi komisionin edhe për procesin e transformimit të FSK-së në FAK, për Projektligjin e përgatitur dhe amendamentet. Ai theksoi se janë bërë të gjitha përgatitjet nga ana e Ministrisë së tij, duke pohuar se pritet vetëm vendimi politik. Gjithashtu, ai i përmendi parametrat e procesit të transformimit, si: periudha (rreth dhjete vite), rritja e personelit, buxheti që përcjell procesin e transformimit, infrastruktura dhe procesi i trajnimit.
Në fund, Demolli theksoi edhe vlerësimet nga ana e partnerëve amerikanë për bashkëpunimin shumë pozitiv, intensifikim të bashkëpunimit, dhe përkrahje nga ana e tyre në të gjitha proceset e Ministrisë së FSK-së.
Pas raportimit të përmbledhur të ministrit Demolli, në debat shumë nga anëtarët e komisonit parashtruan pyetje që kishin të bënin me transformimin e FSK-së, barazinë gjinore, pjesëmarrjen e komuniteteve, etj. Për të gjitha pyetjet ministri Demolli iu përgjigj duke i falënderuar për pyetjet dhe komentet e tyre.