Ndarjet edhe mund të ndodhin!

Ndarjet edhe mund të ndodhin!

Përpara se të ngutemi me komente dhe gjykime rreth informacioneve për gjoja bisedimet sekrete Thaçi-Vuçiq, le të provojmë të përgjigjemi në këto pyetje:

Shkruan: Arsim Kastrati

1. Kush do t’i detyrojë serbët e Bosnjës të qëndrojnë në BeH së bashku me boshnjakët e kroatët dhe të tërhiqen nga qëllimet dhe veprimet e tyre secesioniste?

2. Kush do ti detyroj sllavomaqedonasit për bashkëjetesë me shqiptarët në Maqedoni kur po shihet se nuk duan që nuk duan të jetojnë së bashku me shqiptarët? E pasi që nuk duan që nuk duan atëherë do të ndahen.

3. Kush do ta detyrojë Serbinë që të pranojë faktin se nuk do të ketë autonomi politiko-territoriale të serbëve të Kosovës apo a do të mund shqiptarët e Kosovës të pajtohen me krijimin eventual të një autonomie të tillë?

4. Dhe kryesorja nëse Rusia ka vendosur të involvohet seriozisht në Ballkan siç po duket, atëherë një zhvillim i tillë do të ketë reperkusione serioze në gjeopolitikën e rajonit dhe nëse ajo ngadhënjeu në Siri a do të mund ta ndalin në Ballkan?

Në kushte e rrethana të tilla të marrëdhënieve ndëretnike në Ballkan ku askush nuk e do askënd dhe kur Putini po luan të fortin njëmend, këto ngjarje dhe ndarje edhe mund të ndodhin.

P.S: një pyetje tjetër që mund të shtrohet është ajo e konsultimeve paraprake dhe plotfuqishmërisë mandatore për bisedime të tilla, gjithnjë nëse ato janë duke ndodhur me të vërtetë.

Ky artikull nuk pasqyron qëndrim editorial të redaksisë! Për më tepër, ju lutem lexoni kushtet e përdorimit.

KOMENTE