Ndalohet një furgon me dru për djegie, nuk kishte dokumente përcjellëse

Nga Departamenti i Policisë Kufitare, bëhet e ditur për një rast të “transportit ilegal të druve”, regjistruar në fshatin Debëlldeh të Vitisë,

Në raportin policor,  bëhet e ditur se Policia ka ndaluar kombin-furgon, me targa vendore, të drejtuar nga i dyshuari, i cili kishte të ngarkuara  dru për djegie rreth 3.53 (metër kub), pa dokumente përcjellëse.

“Furgoni me dru është dërguar në Agjencinë e Pylltarisë në Viti, ndërsa i dyshuari pas intervistimit me vendim të prokurorit, është liruar në procedurë të rregullt”, thuhet në njofitmi ne policisë. /2LONLINE/