(2L ONLINE) – Palestra e Sporteve “Bashkim Selishta – Petriti” ka hapur dyert edhe njëherë këtë vikend për t’i zhvilluar ndeshjet e javës së pestë në Ligën Komunale “Agim Ramadani”. Kampionati sa vjen e bëhet më interesant, nga xhiroja në xhiro është duke u ngritur cilësia me të cilën vjen si paketë e përbashkët edhe shikueshmëria që në këtë vikend ishte në numër të lartë.
Xhiroja e V-të, ka kaluar nën hijen e derbi The Living Room – Vllezërit Aliu, ndeshje të cilën e fituan këta të fundit (2:1). Ndërkohë, kjo rrëshqitje e liderit më së shumti u ka konvenuar Djemve të Qytetit që përkundër barazimit me Autoshkollën Arti marrin kryesimin e klasifikimit me një pike më shumë se lideri i deritanishëm.
Dalia dhe Fsk-ja, janë rikthyer tek fitorja deri sa kanë mposhtur Katanan (2:0), respektivisht Mobicasën (2:1). Las Vegas, Besi dhe Eurolloto kanë regjistruar fitoret e radhës deri sa u janë afruar kreut të tabelës duke e bërë edhe më interesant ligën, kur jemi vetëm në xhiron e V-të.
/Drilon SYLEJMANI/ 2L ONLINE/
