Ndahet titulli “Qytetar Nderi” për Fejzullah Krasniqin akademikun e vetëm që e ka Kamenica

Kryetar i Komunës së Kamenicës, Kadri Rahimaj së bashku me Drejtorine drejtorisë Komunale të arsimit, Afrim Dervishi, kanë pritur në takim Akademikun Fejzullah Krasniqi.

Në këtë takim Kryetari Rahimaj i ka dhuruar titullin “Qytetar Nderi” i Komunës së Kamenicës për Akademikun Fejzullah Krasniqi.

“Akademiku Krasniqi me meritë të plotë si dhe për kontributin e dhënë për vendlindjen e tij, meriton dhe nderohet si Qytetar Nderi i Kamenicës”, ka thënë Kryetari Rahimaj.

Krasniqi në vitin 2005 ka filluar punën si mësimdhënës në Universitetin Politeknik të Tiranës, profesorët e të cilit institucion ishin ligjëruesit e z. Krasniqi.

Në vitin 2008 është zgjedhur anëtar korrespodent i Akademisë së Shkencave dhe Arteve të Kosovës, ndërsa në vitin 2012 është zgjedhur anëtar i rregullt (Akademik).

Në vitin 2015 i është ndarë titulli Doktor Honoris Causa nga Universiteti Politeknik i Tiranës dhe deri më tani, është i vetmi nga Kosova që ka këtë gradë.

Në vitin 2023 është zgjedhur anëtar i jashtëm i Akademisë së Shkencave të Republikës së Shqipërisë. /2LONLINE/