Nazim Gagica: Gjilani ka nevojë për një Kuvend funksional, Kuvendi ka nevojë për Ilmi Mustafën!

Nazim Gagica, kreu i AAK-së së Gjilanit, njëherësh kandidat për kryetar komune në zgjedhjet që pritet të mbahen në tetor, ka bërë me dije se pjesë e listës së këtij subjekti politik, në garën për asamble komunale, do të jetë edhe Ilmi Mustafa.

“Ilmi Mustafa, bashkëqytetari ynë nga Gjilani, prej vitesh është një afarist i suksesshëm në Gjermani, ku drejton një biznes të qëndrueshëm me një numër të madh punëtorësh. Përvoja e tij menaxheriale, puna e ndershme dhe përkushtimi ndaj komunitetit janë vlera që e bëjnë të veçantë”, thotë Gagica.

Ai shtoi se Ilmiu sjell në Gjilan modelin evropian të punës, disiplinës dhe zhvillimit afatgjatë – një model që funksionon dhe që mund të transformojë qeverisjen lokale.

Kreu i AAK-së së Gjilanit, thotë tutje se Ilmi Mustafa e njeh nga afër realitetin e mërgatës, por kurrë nuk është shkëputur nga vendlindja. Ai tani do të kontribuoj drejtpërdrejt në të ardhmen e qytetit tonë.

“Ilmi Mustafa nuk është vetëm një kandidat por është një mundësi reale për një Kuvend më të përgjegjshëm, më pragmatik dhe më afër qytetarëve.Na priftë e mbara”, ka thënë Nazim Gagica i AAK-së. /2LONLINE/