Nazim Gagica: Fuli do të jetë përgjithmonë një gur i çmuar kujtese për qytetin tonë!

“Sot, me shumë miq, kolegë e familjarë, i dhamë lamtumirën e fundit Florim Gagices – Fuli. U nda nga jeta një njeri i madh me shpirt arti, një mik i paharruar dhe një krijues që për dekada i dha ngjyrë kulturës sonë”, ka thënë Nazim Gagica, kreu i AAK-së së Gjilanit.

Gagica që vije nga fusha e kulturës, e ka çmuar lartë kontributin e Florim Gagicës që kishte dhenë në ansamblet kulturore, në muzikë, në art e sidomos në Teatrin e Gjilanit, andaj, tha ai, do të mbetet përgjithmonë një gur i çmuar kujtese për qytetin tonë.

“Fuli do të kujtohet për energjinë, buzëqeshjen dhe dashurinë e tij të pakufishme për skenën dhe njerëzit. Lamtumirë Fuli, kujtimi yt do të mbetet i gjallë në zemrat tona”, ka thënë Nazim Gagica. /2LONLINE/