Mustafi te Valencia ?!
Futbollisti shqiptar nga Gostivari, Shkodran Mustafi, i cili muajin e kaluar u shpall kampion bote me Gjermaninë, duket se karrierën do ta vazhdojë tek Valencia. Në fakt, sipas të përditshmes spanjolle, “Marca”, Valencia shumë shpejtë do ta zyrtarizojë transferimin e Shkodran Mustafit, transmeton RTK.
Valencia ka ofruar tetë milionë euro për kampionin botëror, ofertë e cila duket se ka bindur krerët e Sampdorias. Krerët e klubit spanjollë janë takuar me babain e Shkodranit dhe gjithashtu e kanë bindur atë për një transferim në Spanjë. Sipas “Marca”-s Mustafi ka pranuar të nënshkruajë kontratë pesëvjeçare me Valencian, nga e cila do të përfitojë 1 milionë euro në edicion.
