Mustafa: Lista Srpska do të kthehet së shpejti

Kryeministri i Kosovës, Isa Mustafa, gjatë konferencës së përbashkët me kryeministrin e Shqipërisë, Edi Rama, ka deklaruar se po fillojnë t’i zgjidhin problemet që i kanë preokupuar qytetarët e të dyja vendeve dhe bizneset.

Mustafa po ashtu përmendi të gjitha nënshkrimet që u bënë sot.

“Sot nënshkruam 5 marrëveshje, katër memorandume, dy protokolle dhe një deklaratë të përbashkët. E konsiderojmë të veçantë nënshkrimin e marrëveshjes në fushën e sigurisë dhe të punëve të brendshme. Në fushën e ekonomisë që të përfitojnë të dyja palët”, ka thënë ai.

Mustafa ka folur edhe për Listën Srpska, e cila është kthyer akoma në kuvend. Ai tha se shpejt do të kthehen edhe Srpska, megjithatë të gjithë duhet të respektojnë rregullat dhe ligjet, në të kundërtën duhet të përgjigjen.