Mustafa: Jabllanoviq nga sot nuk është pjesë e Qeverisë

Kryeministri i vendit, Isa Mustafa deklaroi në një konferencë se nga sot Jabllanoviq nuk është pjesë e kabinetit qeveritar.

Ai tha se Qeveria ka trashëguar shumë probleme si mungesë zhvillimi ekonomik, korrupsioni, krimi që janë edhe pasojë e luftës së fundit. “Tani po ballafaqohemi me ikjen nga vendi mirëpo me programin qeverisës po mundohemi të gjejmë zgjidhje”.

“Këto ditë kamë punuar edhe me komunat të kenë zhvillim në bujqësi e fusha tjera, e po ashtu edhe të punësimit që ti adresojmë në ministri adekuate. jemi të interesuar të vazhdojmë bisedimet edhe me komunat veriore që të kemi bashkëpunim. Nuk do të lejojmë megjithatë të debatojmë për pasuritë e vendit.

Ditëve të fundit jemi ballafaquar me greva e protesta, jemi takuar me sindikata. Megjithatë jemi të angazhuar t[ realizojmë kërkesat dhe marrëveshjet e nënshkruara, mirëpo nuk kemi aktualisht mundësi buxhetore. Kjo përfshinë edhe kërkesën për Kontratën Kolektive dhe kërkojmë mirëkuptim. Rritja e pagave nuk është e vogël në krahasim me rajonin. Sa i përket ministrit Jabllanoviq, ju njoftoj se nga sot ai nuk është pjesë e kabinetit tim qeveritarë”.

Sa i përket “Trepçës”, Mustafa tha se do të shikojnë mundësinë që me një ligj të veçantë të bëjnë zgjidhjen adekuate për këtë gjigant ekonomik.