Mustafa: Filmi “Shok” i bëri Kosovës shumë shokë!

Kryeministri i Kosovës Isa Mustafa përmes një publikimi në profilin e tij në rrjetin social Facebook, shkruan se ndjehet krenar për përfaqësimin e filmit “Shok” në OSCAR. Ai, e quan këtë përfaqësim dinjitoz përderisa thotë se filmi i bëri Kosovës shumë shok. “Dua të ndajë ndjenjën e krenarisë që na dhuroi përfaqësimi dinjitoz i filmit “Shok” në Akademinë më prestigjioze të kinematografisë botërore. “Shok” i bëri Kosovës shumë shokë. Bota njohu dhe çmoi Kosovën për çka është. Një vend i mrekullueshëm, i njerëzve të talentuar. Faleminderit që i bëtë emër të mirë Kosovës. I.M”, ka shkruar Kryeministri.