Mustafa e Vuçiq nesër takohen në Bruksel

Siç shkruajnë mediat serbe, nesër pritet që të zhvillohet takimi i radhës ndërmjet dy kryeministrave, atij të Kosovës, Isa Mustafa, si dhe atij të Serbisë, Aleksandër Vuçiq, në Bruksel.

“Sipas një deklarate nga zyra e Përfaqësueses së Lartë të BE-së, Federico Mogerini, e cila ndërmjetëson në dialog, të dy kryeministrat do të rishikojnë progresin në zbatimin e marrëveshjeve të arritura në takimet e mëparshme, dhe për të diskutuar hapat e mëtejshëm në normalizimin e marrëdhënieve”, shkruajnë mediat serbe.

Takimi i fundit i të dy palëve ishte më 9 shkurt, kur u nënshkrua një marrëveshje mbi gjyqësorin, transmeton Telegrafi.

“Qeveria e Serbisë ka njoftuar se prioritet në diskutime të mëtejshme do të jetë formimi i Komunitetit të komunave serbe dhe Beogradi dhe Prishtina po akuzojnë njëra-tjetrën për mos përmbushjen e marrëveshjes”, shkruajnë më tej mediat serbe.

Sipas tyre, të dy palët duhet të marrin parasysh çështjet në fushën e sektorëve të energjisë elektrike dhe telekomunikacionit.

KOMENTE