Kryeministri i vendit, Isa Mustafa deklaroi se do ta zbatojnë një pjesë të kontratës kolektive, gjithashtu këtë vit prioritet ka zgjidhjen e problemeve ekonomike dhe luftimin e korrupsionit. Mustafa këto komente i bëri në konferencën për gazetarë, pas mbledhjes së Qeverisë. “Politika e pagave do të bëhen në harmoni me sektorin publik dhe privat. Duke forcuar sektorin privat do ta forcojmë edhe buxhetin”, ka thënë Mustafa.
Në mbledhjen e qeverisë është diskutuar edhe për implementimin e kontratës kolektive. “Ne do ta implemetojmë një pjesë të kontratës kolektive. Këtë vit është prioritet zgjidhja e problemeve ekonomike dhe luftimi i korrupsionit. Do t’i kem në fokus edhe investimet e huaja dhe vazhdimin e thellimit të reformave në drejtësi”, tha ai.
Ndërkaq sa i përket deklaratës së ministrit serb të Qeverisë së tij, Mustafa tha se e kanë vlerësuar si të pa matur deklaratën e, Alekasnder Jabllanoviq. Mirëpo, i pyetur se a mjafton vetëm vlerësimi si e pa matur të kësaj deklarate, Mustafa tha se ai dhe Qeveria e tij kanë një respekt për familjet e të pagjeturve, por se tragjedia e të pagjeturve nuk fillon në Gjakovë por është historike sepse ka pasur të pagjetur edhe më herët.
http://www.rtklive.com/?id=2&r=17334