Mustafa: Do të nisim riprocedimin e ligjit për Specialen

Kryeministri Isa Mustafa ka thënë se në ditët në vazhdim do të riprocedohet amendamenti për ndryshimin e Kushtetutës së Kosovës që ka të bëjë me themelimin e Gjykatës Speciale.

Qeveria e Kosovës posa ka filluar mbledhjen urgjente të saj, ku kryeministri Isa Mustafa deklaroi se edhe pse nuk është arrit vendimi për ndryshimet kushtetuese, është arrit vullneti i shumicës dhe kjo i bënë të vazhdojnë në përmbushjen e synimeve të tyre.

Ai tha se do të vazhdojnë edhe më tutje të përmbushin detyrimet e tyre dhe do të bashkëpunojnë me tërë deputet e kuvendit për të rikthyer riprocedimin në mënyrë që të përmbushin detyrat si shtet.
“Do të fillojmë nga sot bisedimet për riprocedurim me deputetet dhe faktorët ndërkombëtar sepse është vullnet i shumicës së deputetëve dhe i qytetarëve”, tha ai.

Kurse, zëvendëskryeministri Hashim Thaçi tha se është jetike të themelohet kjo gjykatë dhe e mbështes vendimin për riprocedimin e këtij ligji.
http://www.rtklive.com/?id=2&r=35200