Musliu: “Dashtët apo nuk dashtët, Kampusi do të bëhet”!
“Në seancën urgjente të thirrur nga Kryetari i Komunës për Kampusin e Universitetit Publik “Kadri Zeka”, partitë opozitare LDK dhe PDK vendosën të mos marrin pjesë, duke dëshmuar edhe një herë se interesi publik nuk është prioriteti i tyre” ,ka thënë Arbër Musliu, anëtar i Kuvendit Komunal të Gjilanit nga radhët e Lëvizjes Vetëvendosje.
Sipas tij, pavarësisht kërkesës së qartë të Rektorit të Universitetit për dhënien në shfrytëzim të pronës publike për 30 vite dhe sqarimeve të tij mbi rëndësinë e këtij investimi milionësh, opozita zgjodhi bojkotin si mjet politik, duke penguar një projekt të rëndësishëm për arsimin dhe të ardhmen e rinisë në Gjilan.
“Dashtët apo nuk dashtët, Kampusi do të bëhet”, thotë Musliu i Vetëvendosjes. /2LONLINE/