Mungon kuorumi për seancën e jashtëzakonshëm

Ka munguar kuorumi për seancën e sotme të jashtëzakonshme të Kuvendit Komunal të Gjilanit, e cila është ftuar për sot e ku në rend dite ishte vetëm një pikë – diskutimin rreth lokacionit të ri të varrezave të qytetit, që është propozuar të jetë në Zabel të Sahit Agës, transmeton 2LONLINE.

Në fakt kanë munguar anëtarët e Kuvendit nga pozita, ndërsa të pranishëm ishin vetëm ata të opozitës të cilët edhe e kishin ftuar këtë seancë.

Për opozitën, pozita qëllimisht nuk ka ardhur për me pengua këtë seancë.

Për opozitën seanca e sotme nuk mund të mbyllet por mund të thirret në një ditë tjetër për t’u vazhduar.

Riza Abdyli (PDK) ka thënë se në këtë mënyrë pozita po e bije në kolaps Kuvendin. Po ashtu u tha se nga LDK-ja dhe parneret e saj po sabotohet institucioni kryesor i komunës, transmeton 2LONLINE.

Kryesuesja Shpresa Kurteshi-Emini, pas konstatimit nga sekretaria e Kuvendit se në sallë janë të pranishëm 16 këshilltarë, ndërsa 19 mungojnë, konstatoi se seanca nuk mund mbahet për shkak të mungesës së kuorumit.