Muaji Mërgimtarëve, gjilanasit argëtohen deri pas mesnate me muzikë rock dhe popullore
/2L ONLINE/ – Në një atmosferë impozante, me një interesim të paparë të qytetarëve të Gjilanit, është mbajtur mbrëmë gala koncerti rock-popullore, aktivitetet ky në kuadër të Muajit të Mërgimtarëve, i cili organizohet nën përkujdesjen e të parit të Gjilanit, Lutfi Haziri.
Kryetari i Gjilanit, Lutfi Haziri, i ka dhënë edhe një epitet Gjilanit për këtë ngjarje: qytet i rock’ut dhe muzikës popullore.
“Gjilani, qendër edhe e rock’ut dhe muzikës popullore. Sonte performuan këngëtarë gjilanas edhe nga mërgata. Vërtetë atmosferë brilante. Gjilani i gjilanasve”, ka shkruar Haziri.
Ndërkohë, në kuadër të Muajit të Mërgimtarëve sot në ora 10:00 nis panairi regjional “Gjilani 2016”, i cili mbahet për dy ditë me radhë. /2L ONLINE/