MSh dhe Komiteti Drejtues vlerësojnë rezultatet e “Projektit mbështetës për shëndetësinë” të Qeverisë italiane

Zëvendësministri i Shëndetësisë Izet Sadiku kryesoi sot takimin e Komitetit Drejtues të “Projektit mbështetës për shëndetësinë në Kosovë” që zbatohet nga Ministria e Shëndetësisë dhe Agjensioni Italian për Zhvillim dhe Bashkëpunim, të cilët analizuan Raportin e progresit 2015/2016 të këtij projekti.
Ky projekt adreson çështje që lidhen me përmirësimin e shërbimeve shëndetësore në Kosovë, ndërsa fokusi i tij ka qenë shfrytëzimi i grantit mbështetës të Qeverisë së Italisë për funksionalizimin e shërbimit të Kardikoirurgjisë në Qendrën Klinike Universitare, fuqizimin e resursve shëndetësore dhe luftimin e infeksioneve brenda spitalore.

Zëvendësministri Sadiku ka falënderuar autoritetet italiane për mbështetje në fillimin e punës në Kardiokirurgji që nisi në tetor të vitit të kaluar dhe angazhimet që ky shërbim shumë i rëndësishëm në Kosovë të jetë funksional.

Ai ka theksuar se në pesë muajt ë fundit në këtë klinikë janë kryer mbi 73 operacione nga një ekip i profesionistëve shëndetësor vendor në përbërje të dy kardiokirurgëve, anesteziologëve dhe infermierët.

Falë edhe mbështetejes së projektit mbështetës për shëndetësinë, ky shërbim ofron shërbime njëzet e katër orëshe duke rritur numrin e shërbimeve, ndërkohë që vëllimi i punës është rritur edhe në shërbimin e kardiologjisë invazive për të cilin shërbim, MSh është duke punuar që të ofrohen shërbime të plotë, duke u ndihmuar edhe me një fond të veçantë (për kardiologji invazive dhe kardiokirurgji) për blerjen e materialit shpenzues për këto dy shërbime.

Në këtë takim është miratuar Raporti i progresit 2015/2016 dhe janë këmbyen ide të ndryshme rreth realizimit sa më të mirë të tij.