Mourinho dërgon agjentin në Stamboll për Vedat Muriqin
Vedat Muriqi ka zgjuar interesimin e shumë skuadrave të famshme në Evropë, pas paraqitjeve të mira me Fenerbahcen në Turqi. Një ndër klubet më të interesuar për shërbimet e sulmuesit kosovar është Tottenham Hotspur.
Mediumet turke, në mëngjesin e së martës kanë raportuar se Jose Mourinho ka dërguar agjentin e ekipit londinez për të përcjellur Muriqn në ndeshjen kundër Genclerbirligit, ku kosovari shkëlqeu me dy gola të realizuar.
25 vjeçari ka shënuar 10 gola në 14 ndeshje me Fenerbahcen në kampionatë dhe kupë.
Sipas raportimeve, ekipi turk nuk do të pranoj asnjë ofertë nën 20 milionë euro.