Motocross, aktiviteti që solli spektakël në Kamenicë

Qyteti i Kamenicës u shndërrua në qendër të adrenalinës dhe sporteve motorike, ku u organizua gara atraktive e motocross-it në kuadër të aktiviteteve të Kamenica Summer Fest.

Numër i madh i qytetarëve u mblodhën për të ndjekur nga afër performancat spektakolare të motoristëve, të cilët me aftësitë dhe guximin e tyre dhuruan një shfaqje mbresëlënëse.

Gara u karakterizua nga dinamizëm dhe shpejtësi ku çdo paraqitje u përcoll me duartrokitje nga publiku, duke e bërë këtë aktivitet një nga ngjarjet më tërheqëse të festivalit veror.

Në këtë organizim ishte e pranishme edhe nënkryetarja e Komunës së Kamenicës, Arta Bajralija, si dhe Drejtori për Kulturë, Rini dhe Sport, Afrim Dervishi.

Nënkryetarja Bajralija përgëzoi pjesëmarrësit për paraqitjen dhe kontributin e tyre në organizimin këtij aaktiviteti të suksesshëm ku me këtë rast, ajo ndau edhe çmimet për fituesit të ndara në tri kategori:

Gold

Blerim Aliu

Halit Rexhaj

Valmir Vitia

Bronz

Blend Leci

Blend Sylaj

Albion Vllasi

Silver

Valmir Tahiri

Kushtrim Tërshani

Shaban Gubavci

Komuna e Kamenicës falënderon të gjithë garuesit, organizatorët, Enduro Kamenica, Kenan Krivaqën, si dhe qytetarët që me pjesëmarrjen e tyre kontribuan në suksesin e këtij aktiviteti.

Kamenica Summer Fest 2026 vazhdon me aktivitete të shumta kulturore, sportive dhe argëtuese, duke sjellë gjatë gjithë verës ngjarje të veçanta për qytetarët dhe vizitorët, thuhet në njoftimin e Komunës së Kamenicës. /2LONLINE/