Moti sot kryesisht i vranët dhe me intervale të shkurta me diell

Sipas Institutit hidrometeorologjik të Kosovës, moti sot do të jetë kryesisht i vranët dhe me intervale të shkurta me diell. Vranësirat gjatë ditës do të shoqërohen me reshje të dobëta shiu.

Sipas Institutit, temperaturat do të shënojnë ngritje të lehta, minimalet nga -3 deri -1 gradë Celsius, ndërsa maksimalet e ditës parashihet të lëvizin nga 3-6 gradë Celsius.

Shtypja atmosferike do të shënoj rritje të vlerave mbi normalen. Do të fryjë erë nga veriperendimi dhe juglindja e lehtë deri mesatare. Javën tjetër parashihet të ketë ngritje të theksuar të temperaturave në të dy vlerat ekstremale.