Moti në Kosovë, ditët në vijim me reshje shiu

Sipas Institutit Hidrometeorologjik të Kosovës ditët në vijim gjatë javës do të përcjellën me reshje shiu dhe ulje të temperaturave, era do të fryj nga perëndimi dhe veriperëndimi herë-herë e vrullshme.

Për nesër parashihet të mbajë mot i ndryshueshëm sipas IHK, me diell dhe vranësira të cilat gjatë ditës do të shoqërohen edhe me reshje shiu. Temperatura më e ulët do të luhatet nga 8 deri në 10 gradë celsius, kurse më e larta e ditës do të arrijë në 20 gradë celcius. Do të fryj erë nga perëndimi dhe veriperëndimi e lehtë dhe mesatare.

Ndërsa, sot mbi vendin tonë mbajti mot kryesisht i vranët. Në pjesën qendrore të Kosovës pati edhe reshje shiu. Temperatura më e ulët u shënua 11C , kurse më e larta e ditës ka arritur në 21C. Ka fryrë erë nga veriu dhe veriperëndimi me shpejtësi 1-5 metër për sekondë.