Moti i mirë po ndikon në realizimin e projekteve

(2LONLINE) – Puna e vazhdueshme në asfaltimin  e rrugëve  në fshatra dhe qytet vazhdon  pa pengesa falë motit të mirë që po mbretëron këtyre ditëve . Ditëve  të vikendit u asfaltuan   edhe disa rrugë, në  këto vendbanime : Koretin,Hodonoc dhe në qytetin e Kamenicës, thonë zyrtarë komunal.

Rruga e  asfaltuar te lagja “Makaj” ,si edhe më parë e asfaltuar  te xhamia e re në Koretin  janë realizuar në kuadër të projektit : “ Asfaltimi rrugëve  lokale në qytet dhe fshatra me  pjesëmarrje të MAPL-së, komunës  dhe komunitetit. Gjatësia e rrugës te lagja “Makaj” është 575 m. gjerësia( 4 -3m), varësisht nga gjendja e rrugës . Realizimi i këtij projekti ka kushtuar  28.432,34 euro, komuniteti ka marrë pjesë  me 5.582.00.

Projektit  tjetër  i asfaltimit i  rrugëve në qytet dhe fshatra të financuara nga buxheti komunal  edhe me  pjesëmarrje  të qytetarëve, janë përshirë 21 miniprojekte , ku janë paraparë  284.791,92 euro.

Po ashtu  asfaltimi i rrugëve ”Rexhep Ahmeti” në Kamenicë në  lagjen “ Çamëria” dhe rruga te Haxhi Ilmija në Hodonoc  janë  pjesë e këtij projekti. Gjatësia e rrugës “ Rexhep Ahmeti” është  242 m, gjerësia( 4- 2.50 m). Kjo rrugë ka  kushtuar 12.968,68 euro. Ndërkaq, rruga  në Hodonoc ka një gjatësi prej 68m ndërsa gjerësia 3m.Realizimi   ka kushtuar,3.588,46 euro. /2LONLINE/