Mot i ndryshueshëm deri në fundjavë

Instituti Hidrometeorologjik i Kosovës paralajmëron mot të ndryshueshëm deri në fundjave. Sot mbi vendin tonë do të mbajë mot kryesisht i vranët. Nëpër lugina do të ketë mjegull të intensitetit mesatar. Temperatura minimale është luhatur nga 7 e 9 gradë Celsius, kurse maksimalet e ditës priten të luhaten në mes 14 e 16 gradë Celsius.

Do të fryj erë nga jugu dhe juglindja me shpejtësi 1-4m/s. Në orët e vona të ditës vende-vende priten reshje të dobëta shiu të cilat do të vazhdojnë edhe për dy ditët e ardhshme.

Të premten pritet që era ta ndërroj përkohësisht drejtimin nga jugu dhe jugperëndimi në veri gjë që do të ndikoj në ulje të lehta të temperaturave si ato të minimaleve ashtu edhe të maksimaleve.