Mos ndizni goma, do të gjobiteni

/2L ONLINE/ – Zyrtarë komunal nga drejtoria përkatëse kanë kërkuar nga qytetarët e Komunës së Kamenicës që të mos ndezin goma gjatë ditës së nesërme, pra për një maj.

Ata thanë se dëshirojnë të njoftojnë të gjithë qytetarët e komunës së Kamenicës se praktika dhe dukuritë jo të mira të ndezjes së gomave për një maj janë të ndaluara me ligj.

Drejtori i Shërbimeve Publike Faton Jakupi, ka bërë thirrje që të mos ndizen goma gjatë ditës së nesërme.

“Për shkak të ndotjes se ambientit dhe dëmeve të tjera që shkaktojnë qoftë shëndetin e njeriut etj, jemi të obliguar që të bëjmë thirrje për mos ndezjen e gomave. Çdo person që zihet duke ndezur goma do të gjobitet konform ligjit”, ka thënë Jakupi. /2L ONLINE/