Mos i votoni mashtruesit!

Shkruan: Ardian Azemi

Secila parti politike është përballur me zyrtarë dhe kandidatë mashtrues, profiterë, të padijshëm, arrogantë e idiotë.

Mos i futni në lista!

Nëse i keni futur, atëherë anëtarësia të mos i mbështesë.

Nëse e ka tradhtuar partinë një herë, i ka realizuar interesat e veta, ai/ajo do ta bëj përsëri. Ndëshkojeni. Nuk e ka vendin në Kuvend!

Mos votoni kandidatë që viktimizohen.

Ata janë njerëzit më të poshtër që ekzistojnë. E bëjnë viktimën për t’iu marrë votën dhe për të mbuluar mashtrimin.

Shumë shpejt dalin listat.

Do t’i shihni kush janë kandidatët.

Analizoni mirë!

Shikoni të kaluarën e tyre në aspektin kombëtar.

Mos mbështesni familjarë të UDB-ashëve.

Nëse ndonjëherë u jepet rasti, kërkojuni të lexojnë dy rreshta.

Nëse ia dalin pa gabime, atëherë mund ta shqyrtoni kërkesën e tyre për votë.

Në lista do të keni edhe kandidatë që kanë qenë në legjislaturën e fundit. Ata kanë realizuar interesat e veta personale dhe tani duan të përfundojnë ato që u kanë mbetur në gjysmë.

Ndëshkoni me votë!

Ata nuk e meritojnë të jenë përfaqësuesit tanë.

Mos i mbështesni idiotët!