Mos evitimi i defektit në sistemin e gypave të ujësjellësit irriton zhegranët

/2L ONLINE/ – Qytetarët e Zhegrës së Gjilanit janë ankuar për një defekt që ka mbi pesë ditë që është paraqitur në sistemin e gypave të ujësjellësit mu në qendër, ku ka rrjedhje te pakontrolluar të ujit e nuk riparohet.

Projekti i ujësjellësit është financuar nga qeveria Zvicerane dhe institucionet e Republikës së Kosovës dhe ka kushtuar mbi 200,000 euro. Përgjegjëse për mirëmbajtjen e sistemit te ujësjellësit është Kompania Rajonale e Ujësjellësit Hidromorava në Gjilan.

Sipas qytetarëve zhegranë edhe pse ata janë te njoftuar për defektin, deri me tani ata nuk kane ndërmarrë asnjë veprim për të ndalur rrjedhjen e pakontrolluar te ujit. A thua kujt do t’i faturohen këto harxhime të mëdha ujit, pyesin ata. /2L ONLINE/