Morina Bunjaku: Do të avancojmë më shumë në zbatimin e Ligjit për Përdorimin e Gjuhëve

“Zbatimi i Ligjit për Përdorimin e Gjuhëve”, ishte tema e diskutimit të mbajtur në Prizren nga zyra e Komisionerit për Gjuhët pranë Kryeministrisë së Kosovës.

Nënkryetarja e Komunës së Gjilanit, Leonora Morina Bunjaku, duke folur për vështirësitë dhe sfidat në zbatimin e Ligjit për Përdorimin e Gjuhëve, tha se Komuna e Gjilanit ofron nivel të duhur të zbatimit të ligjit dhe thuajse të gjitha dokumentet e kërkuara lëshohen sipas kërkesave.

Ajo tregoi se pos përkthyesit e gjuhës serbe, kanë në funksion edhe përkthyesin për gjuhën e shenjave.

“Ne jemi të hapur të avancojmë edhe më shumë në zbatimin  e Ligjit për Përdorimin e Gjuhëve”, tha nënkryetarja Morina Bunjaku.

Për përdorimin e gjuhëve dhe zbatimin e ligjit kanë folur edhe drejtoresha e IOM-it Anna Rostocka. Shefi i UNMIK-ut pêr të Drejtat e Njeriut Jerome  Bouyjou, njëherësh edhe përfaqësues i Komisarit të Lartë të OKB-së për të Drejtat e Njeriut në Kosovë.

Ndërsa Avokati i Popullit Naim Qalaj, foli për të drejtat gjuhësore që janë element i rëndësishëm i të drejtave të njeriut.

Derisa është prezantuar raporti nga ZKGj-ja “Niveli i zbatimit të Ligjit për Përdorimin e Gjuhëve në komuna dhe gjykata.

Po ashtu është diskutuar edhe për zbatimin  e ligjit në gjykata dhe iniciativat dhe zhvillimet e certifikimit të përkthyesve dhe interpretëve gjyqësor, rishtazi për gjuhën rome.  /2LONLINE/