Morena Aliu nderohet me Mirënjohjen “Pianistja më e mirë”

Ceremonia solemne “Më të Mirët e Vitit 2025”, e organizuar nga Drejtoria për Kulturë, Rini dhe Sport e Komunës së Gjilanit nxori në pah emra të rinjsh që u vlerësuan për arritjet e tyre të jashtëzakonshme gjatë vitit 2025, e njëra ndër to është edhe Morena Aliu, e cila u nderua me Mirënjohje “Pianistja më e mirë”.

Në mesin e të shpërblyerve, për sukseset e arritura përgjatë vitit 2025, është vlerësuar edhe Morena Aliu, nga klasa e prof. Hajrije Bislimi, e cila u shpall “Pianistja më e mirë” në Gjilan, për talentin, përkushtimin dhe rezultatet e arritura në piano, duke përfaqësuar denjësisht qytetin dhe vendin në aktivitete kulturore dhe gara ndërkombëtare.

Një vlerësim i tillë le të shërbejë si motiv për të vazhduar rrugëtimin drejt sukseseve të reja edhe në të ardhmen. /2LONLINE/