“Mollëkuqet” rrugëtojnë tutje drejtë sukseseve të reja

Për shkak të agjendës së ngarkuar publike, një kohë kemi pauzuar në qendrën tonë “MOLLËKUQET”, qendër e cila çdo ditë e më shumë po shënon suksese në rrafshin ndërkombëtar.

Nga: Arta Haziri-Nuhiu

Nga sot, i rikthehemi udhëtimeve jashtë vendit, në shtete të ndryshme duke qenë pjesëmarrëse serioze në festivale internacionale. Viti që po e përmbyllim, ka qenë vit i sukseseve tona, vit i triumfeve, shpërblimeve e medaljeve, me pjesëmarrje në BjelloRusi, Slloveni, Maqedoni etj.

2018-ta nuk do të përmbyllet me kaq, pasiqë qendra jonë “MOLLËKUQET”, do të udhëtoj për në Lituani për të marrë pjesë në festivalin më të madh garues “Kaunas Talent-2018”. E veçanta e këtij festivali është se unë do të jem pjesë e Jurisë së këtij festivali, ndërsa do të jem e shoqëruar nga nxënëset e mia me një talent të rrall, Edisa Ahmedi dhe Ilda Nuhiu.

Kjo pjesëmarrje në këtë festival ndërkombëtar, është përfaqësim i shtetit të Kosovës, ndërsa ne jemi të vendosura që dinjitetshëm ta përfaqësojmë Kosovën, dhe të kthehemi me fitore.

Faleminderojmë Ministrinë e Kulturës për mbështetje, dhe gjithë ata që na qëndruan pran në vazhdimësi.