MKRS ndanë buxhetin për ndërtimin e palestrës sportive në Viti

(2LONLINE) –  Një lajm i mirë për të gjithë sportdashësit e Komunës së Vitisë, Ministria e Kulturës, Rinisë dhe Sportit të Republikës së Kosovës ka ndarë një buxhet për ndërtimin e palestrës sportive në këtë komunë.  Kjo palestër pritet të ndërtohet në afërsi të fshatit Drobesh  dhe kapaciteti i saj do të jetë për një mijë ulse.

Për këtë vit MKRS ka ndarë një buxhet për projektin e  ndërtimit të Palestrës Sportive në Viti. Në shkresën e dërguar nga kjo ministri në adresën e kryetarit të Komunës Sokol Haliti thuhet se  përveç se se kjo ministri ka ndarë buxhetin për ndërtimin e palestrës sportive kërkon që kjo komunë  të merr të gjitha hapat e duhura për realizimin e këtij projekti që shihet si shumë i rëndësishëm për qytetarët vitias.  

Palestra Sportive në Viti parashihet të këtë një kapacitet prej 1000 ulëseve , ndërkaq objekti parashihet të jetë i standartizuar  dhe atë në mënyrë që të plotësojnë kriterët për zhvillimin e garave kombëtare dhe ndërkombëtare. Gjithashtu parashihet se ky objekt do ti plotësojë kushtet për zhvillimin e aktiviteteve kulturore dhe sportive në Viti.

Kryetari i Komunës së Vitisë Sokol Haliti e ka mirëpritur vendimin e MKRS-së për ndërtimin e  kësaj palestëre sportive duke e quajtur si jetike për sportin dhe kulturën në Viti. Ai mandej e ka falenderuar MKRS-në për ndarjën e këtij buxheti, duke theksuar se komuna të cilën ai e udhëheq do ti bëjë të gjitha pregaditjet që kërkohën nga Ministria përkatëse.

“Do të bëjmë të gjitha pregatitjet paraprake të cilat kërkohen nga MKRS-ja gjithashtu dua ta falenderoj këtë ministri për ndarjen e buxhetit për ndërtimin e palestrës sportive në Viti” u shpreh Haliti.

Ndërkaq  vitin që lam pas Kuvendi Komunal i Vitisë kishte ndarë parcelën për ndrëtimin e palestrës sportive  në Viti dhe atë në fshatin Drobesh, por vendimi për ndarjen e buxhetit për ndërtimin e saj është marrë ditë më parë nga MKRS-ja.  /2lonline/