Mirëpresin studentët që do ta zhvillojnë praktikën profesionale në Administratë

“Sot në Drejtorinë e Administratës së Përgjithshme në Komunën e Gjilanit së bashku me U.D. Shefin e Qendrës për Shërbim me Qytetarë Selami Nezirin, mirëpritëm grupin e praktikantëve që do ta zhvillojnë praktikën profesionale në kuadër të drejtorisë sonë”, ka thënë Elbasan Shabani, drejtor i Drejtorisë së Administratës së Përgjithshme në Komunën e Gjilanit, transmeton 2LONLINE.

Sipas tij, angazhimi i këtyre studentëve praktikantë në këtë institucion synon t’u ofrojë përvojë praktike dhe njohuri të drejtpërdrejta mbi funksionimin e administratës publike.

“Studentëve ju urojmë punë të mbarë dhe suksese gjatë periudhës së praktikës”, ka thënë drejtori Elbasan Shabani.  /2LONLINE/