Miqësoret për Kosovën, FIFA vendos më 10 janar

Më 10 janar të vitit të ardhshëm, FIFA do të vendosë në lidhje me kërkesën e Federatës së Futbollit të Kosovës për të zhvilluar ndeshje miqësore me kombëtaren A.

Kështu ka vendosur Komiteti Ekzekutiv i organizmit më të lartë të futbollit botëror në mbledhjen e zhvilluar në Salvador Bahia në Brazil.

“Në këtë mbledhje diskutuam edhe për çështjen e Kosovës. Vendimi për zhvillimin e ndeshjeve miqësore të saj do të merret më 10 janar”, deklaroi presidenti i FIFA-s, Sepp Blater.

Drejtuesit e futbollit kosovar shprehen optimistë për marrjen e dritës jeshile për zhvillimin e ndeshjeve miqësore të kombëtares A, ndërkohë që përfaqësuesit serbë tek FIFA deklarojnë se do të bllokojnë cdo nismë të Kosovës.

FIFA ka kushtëzuar njohjen e Federatës së Kosovës me anëtarësimin e vendit në OKB, ndaj kërkesa e FFK-së nuk është anëtarësimi në FIFA, por lejimi i ndeshjeve miqësore.