Minoritetet kushtëzojnë themelimin e Ushtrisë së Kosovës
Kryetari i Grupit Parlamentar të LDK-së, Ismet Beqiri ka thënë se kryesia e kuvendit nuk e cakton rendin e ditës, mirëpo ajo bëhet në diskutim.
“Kryesia nuk cakton rendin e ditës ajo mban diskutim. Varet kush se si i interpreton ato ligje. Ne si LDK e kemi përkrah dhe do ta përkrahim ligjin për themelin e FSK-së. Duhet votë e dyfishtë andaj ne do të vazhdojmë përpjekjet që të arrihet kjo marrëveshje”, ka thënë Beqiri, raporton Indeksonline.
Beqiri ka thënë se duhen edhe votat e pakicës për të shkuar votimi i FAK-ut. “Pra duhen edhe votat e minoriteteve për themelimin e FSK-së”.
Hiqet nga rendi i ditës votimi për Ushtrinë e Kosovës
Kryetari i Grupit Parlamentar të Vetëvendosjes, Glauk Konjufca nuk është pajtuar me vendimin e kryesisë së Kuvendit që t’i tërheq nga rendi i ditës pikat për ndryshime kushtetuese që i hap rrugë krijimit të Forcave të Armatosura të Kosovës, raporton Indeksonline.
“Nuk u pajtova me vendimin e mazhorances që t’i tërheq nga pika e rendit të ditës ndryshimet kushtetuese për themelimin e FAK-ut. Kjo nuk u fut në rendin e ditës dhe unë mendoj se ky ckapërcim është i qëllimshëm. Kjo është një çështje e qëllimshme nga autoritet e tanishme qeverisëse në Kosovë. Kjo pikë do të duhej të shqyrtohej në rendin e ditës së seancës të ditës së enjtes”, ka thënë Konjufca pas përfundimit të kryesisë.
Ndërsa kryetari i Grupit Parlamentar të PDK-së, Adem Grabovci ka thënë se kanë kërkuar që të hiqet nga rendi i ditës amendamentet kushtetuese.
“Ne duhet të informojmë drejt opinionin. Ne kemi kërkuar që ligji që parasheh amendamentet kushtetuese të FSK të hiqet nga rendi i ditës. Për votimin e ligjit për FSK-në, pasi që për ndryshimet kushtetuese neviotet votim i dyfishtë edhe nga minoritetet”, ka thënë Grabovci.
Ai ka shtuar se shndërrimi i FSK-së në Ushtri të Kosovës është në interes të të gjithë qytetarëve të Kosovës.
“Është duke u punuar me ngulm për sjelljen në Kuvend të amanadamenteve që i hapin rrugë themelimit të FAK-ut”, ka thënë në fund Grabovci.
http://www.indeksonline.net/?FaqeID=2&LajmID=173070