Ministria për Komunitete dhe Kthim do ta financoj urën e shkatërruar në Hajnoc

(2L ONLINE) – Ministria për Komunitete dhe Kthim e qeverisë së kosovës do ta financoj urën e shkatërruar nga vërshimet në fshatin Hajnoc të Komunës ës Kamenicës. Kështu ka bërë të ditur Zhivojin Milkoviq kryetar i Komitetit për komunitete të komunës së Kamenicës.

Në takimin e radhës së këtij Komiteti ku morrën pjesë shumica e anëtarëve të këtij komiteti, përfaqësuesit e ekipit lokal të OSBE-së, si dhe përfaqësues nga shoqëria civile, Zhivojin Milkoviq , njoftoi anëtarët e komitetit se Ministria për Komunitete dhe Kthim , do ta financoj urën e shkatërruar nga vërshimet në fshatin Hajnoc.

Ndryshe, Milkoviqi propozoi edhe që për planifikimin e buxhetit të komitetit për komunitete për vitin 2014, do të ishte mirë që të shkohet diku jashtë Kosovës, ku do të organizohej një punëtori për anëtarët e këtij komiteti.

Në ktë takim po ashtu u shqyrtua edhe kërkesa e disa qytetarëve të fshatit Bosce për ndërtimin e një ure për këmbësorë në ketë fshat , mirëpo vendi ku do të duhet të ndërtohej u tha se ka kundërshtime nga pala tjetër e fshatarëve. /2L ONLINE/